![«Мову родную беражы, мовай роднай даражы»](/data/rayon-news/rayon-news2138sm.jpg)
25 лютага прайшоў канцэрт «Вітаем песняй цябе, Беларусь» народнага хору ветэранаў працы «Бабруйскія зоры» установы культуры «Цэнтр вольнага часу і творчасці г.Бабруйска», прысвечаны Міжнароднаму Дню Роднай Мовы для жыхароў і гасцей горада.
Па традыцыі, штогод, на вуліцы Сацыялістычнай, каля Бабра, народны хор выступае з беларускай праграмай. Надвор'е сённяшняга дня спрыяла для спеваў меладычных, прыгожых беларускіх песен.
Родныя, шчырыя і ласкавыя словы гучалі ў песнях калектыву і словах вядучых. Людзі не маглі прайсці міма і стрымаць пачуццяў якія ўзнікалі ў іх сэрцах.
Прысутныя гледачы дзякавалі артыстаў гучнымі апладысментамі і нават пускаліся ў пляс.
Пасля выступу са словамі падзякі да выступаючых звярнулася былы настаўнік беларускай мовы і літаратуры, падзякаваўшы за падараваныя эмоцыі і цудоўны настрой.
Мова - душа народа, плён працы многіх пакаленняў, люстэрка духоўнага жыцця народа, наш галоўны нацыянальны скарб. Будзьце і вы разам з тымі, хто думае пра будучыню роднай мовы. Размаўляйце па-беларуску, бо заўтра наша мова вам, вашым дзецям і ўнукам стане неабходнай. Размаўляйце па-нашаму, размаўляйце з ветлівай усмешкай, з пяшчотай на вуснах - і на нашай мове захочуць гаварыць іншыя.
![](/i/2020/koncert2702_1.jpg)
![](/i/2020/koncert2702_2.jpg)
![](/i/2020/koncert2702_3.jpg)
![](/i/2020/koncert2702_4.jpg)
![](/i/2020/koncert2702_5.jpg)
![](/i/2020/koncert2702_6.jpg)
![](/i/2020/koncert2702_7.jpg)
![](/i/2020/koncert2702_8.jpg)
![](/i/2020/koncert2702_9.jpg)
![](/i/2020/koncert2702_10.jpg)
![](/i/2020/koncert2702_11.jpg)
![](/i/2020/koncert2702_12.jpg)
![](/i/2020/koncert2702_13.jpg)
![](/i/2020/koncert2702_14.jpg)
![](/i/2020/koncert2702_15.jpg)